.. صيفنا في مصر أحلى وأحلى .. 2008%

السلام عليكم ورحمة الله وبركاته ..

\\

\\

وسط دندره واخذ وعطا .. ابوي يبي مصر واخوي يبي الهند وفيه كم نفر يبي البيت .. الزبده ابوي خذا معه 3 روس و اخوي كذالك

وانصدم باني مع ابوي في الرحله كان ودي اروح للهند الي بس اسمع عنها و ماعمري شفتها لان مصر شفتها من سنتين بس الحمدالله اني مارحت .. لان جانا خبر انهم يقولون تسمعون بالهند احسن من انكم تشوفونها

صوره من الهند التي لا اتمنى زيارتها

بسم الله نبدا مع ام الدنيا

بهالتقرير المتواضع .. إن شاء الله إنه بيعجبكم .. وان عجبكم باذن الله سوف انثر التقارير الاخرى <<-- انحاشو

الوجهه : الاسكندريه - القاهره

عدد الزيارات : ثاني مره وكانها اول مره <<-- الله من قل الدبره

عدد المسافرين :4

التاريخ : 20 \ 7 الى 9 \ 8

الميزانيه : 15 الف ريال من غير التذاكر ( 6004 ريال وغيرنا الحجز وخذو علينا 510)

مدة الرحله : كانت شهر وحصلت ضروف وغيرنا الحجز وصارت 21 يوم بس سما ماقصرت اكرمتنا بيوم من عندها ( الغو الرحله )

نوع الكاميرا :سامسونج ..بس مدري ليه صوري ماطلعت مثل تصوريكم مع اني ماخليت زر في الكاميرا ماضغطته بس ماش

الاقلاع : من الدمام الى الاسكندريه على الساعه 8:5 صباحاً طلعنا على الساعه 5 الفجر لان المطار بعيد عنا حبتين

جهزنا فليساتنا وصرفنا من عندنا كم جنيه حق الطريق جهزنا جوزانتا وحجز الطياره والفنادق وعلى طاري حجز الفندق الي يبي يحجز عنده حجوزات كانو عليهم اسعار ..

حجزنا من عندهم فندق مترو بول اربع نجوم الغرفه بـ 300 ريال ويوم بغينا نزيد يومين في الاسكندريه في نفس الفندق قال لنا الليله بـ 220 دولار .. !

ركبنا العفش الي قعد ابوي يهاوش عليه .. يقول ليه مهب كلكم في شنطه

وهذا حنا رايحين للمطار مع اخوي طاير فينا يبي يلحق النوم لا يفوته

دخلنا المطار وخلصنا الاجراءت واتجهنا على بوابتنا الي هي 19

رحلتنا الساعه 8:5 وحنا قاعدين نهش الذبان من 6 ونص والبركه في ابوي الي مطيرنا من البيت

رحنا على كوفي ابو هنود .. وهذا اخوي يلقب بابو عابد وهو الي بيبتل معنا في الصور .. يعني الي مو عاجبه يمديه ينسحب

قعدنا نتقهوى لين تجهز الطياره ونسافر <<-- اشوا احسبكم هونتو

وهنا صورة للباندا

جات الساعه 8 حكم الا هم ينادون على الرحله قسم بالله انصعقت وين الي يقولون تتاخر وتنلغي ..

هذي طيارتنا <<-- بالله ؟

المهم ركبنا الطياره وتهاوشت انا واخوي من يقعد جنب الدريشه <<--والله يانكم فاضين كلكم بتوصلون

وزي ماتشوفون الدريشه مغبره زين اني ماخذيتها .. ماهن عليهم يجيبون هندي يفركها

ماجت 8 وربع الا وحنا في الجو مع ذا السواق الي بغى يقشع قلوبنا من اقلاعته ولا في الجو قام يسوي حركات قسم بالله كانا راكبين سبرنج مو طياره

وربع ساعه وجتنا عربيتهم الي تنسمع من اخر الطياره

ماشاء الله على مضيفينهم مايمديك تقوله ابي عصير ولاكافي الا وهو مسويه قبل لاتقوله بشوي <<--تسمع باللحسه

هذا طلبي عصير برتقال بـ 6 ريال ودونات بـ 6 ريال .. لذيذه مهب شينه

راحت ربع ساعه باقي على النزول ساعتين ونص

طلعت قصتي يازعم بقراء .. بس يمين بالله دقيقه راحت بالقرايه وباقي الوقت نقرا الاذكار ونسمي على ارواحنا لاتطيح فينا ذا الطياره الي تتنافض .. من جد دردعده

بقى على النزول نص ساعه عطونا نعبي بيانات الوصول

وصلنا الاسكندريه وابوي تشقق يوم قال الكابتن ان درجة الحراره 28 وعندنا 48

نزلنا من الطياره

وركبنا الباص ورحنا على مطار النزهه الي كبر غرفتي بس مهب كبرها بالضبط .. واستقبلتنا الزحمه واصله لاخر الباب عشان الجوزات المهم نص ساعه وخالصين

ركبنا التاكسي وعلى فندق مترو بول شارع سعد زغلول محطة الرمل بـ 55 جنيه

الباقي يتبع في الحلقه القادمه .. ان الله احيانا ..

.. صيفنا في مصر أحلى وأحلى .. 2008% User_offline

تسلم لي

شكرا لك اخي